‘त्या’ नराधमाला १२८ वर्षांची शिक्षा

मुंबई– लॉस एंजेलिसच्या एका न्यायालयाने हॉलिवूडचे निर्माते डेव्हिड पियर्स याला मॉडेल क्रिस्टी जाइल्स आणि तिची मैत्रीण हिल्डा मार्सेला कॅब्रालेस अर्झोला यांच्या हत्येप्रकरणी दोषी ठरवण्यात आले आहे. यासोबतच त्याच्यावर ७ महिलांवर बलात्कार केल्याचाही आरोप आहे. मंगळवारी न्यू यॉर्क पोस्टने प्रसिद्ध केलेल्या वृतात, न्यायाधीशाने त्याला सर्व आरोपांमध्ये दोषी ठरवले आहे, ज्यामध्ये दोन खून तसेच सात महिलांवर बलात्कार यांसारख्या आरोपांचा समावेश आहे. २०२१ मध्ये ड्रग्जच्या अतिसेवनानंतर दोन्ही महिलांची हत्या करण्यात आली होती.

मिळालेल्या माहितीनुसार, ४२ वर्षीय पियर्सवर क्रिस्टी (२४) आणि हिल्डा (२६) यांच्या हत्येचा आरोप होता. न्यायालयाच्या निर्णयात म्हटले की हॉलिवूडचा निर्माता त्यांना एका पार्टीत भेटला होता. मग त्याने स्वत:ची ओळख हॉलिवूडमधील एक मोठे व्यक्तिमत्व म्हणून करुन दिली आणि त्या मॉडेल्सना तो त्याच्या अपार्टमेंटमध्ये घेऊन गेला. तिथे, पियर्सने त्यांना फेंटानिलवाली कोकेन दिली आणि त्यांच्या ड्रिंक्समध्ये ते अमली पदार्थ मिसळल्याचे बोलले जाते. यानंतर दोघीही तिथेच बेशुद्ध पडल्या.

त्यानंतर आरोपीच्या मित्राने साक्ष साक्ष दिली. पियर्स आणि त्याचा रुममेट्स मायकेल २०२१ मध्ये एलएमधील एका वेअरहाऊस पार्टीमध्ये मुलींना भेटल्यानंतर त्यांना त्यांच्या अपार्टमेंटमध्ये परत आणले. कोकेन ओढल्यानंतर मायकेल देखील बेशुद्ध पडला, परंतु नंतर तो शुद्धीवर आला. जेव्हा मायकेलने त्याला ९११ नंबर वर फोन करायाला सांगितला तेव्हा त्याला नकार देत तो म्हणाला की मेलेल्या मुली कधीच बोलत नाही…. असे त्याने साक्ष देताना न्यायालयात म्हटले.

मायकेल गेल्यानंतर, पियर्स आणि त्याचा रूममेट, ब्रँड्ट ऑसबॉर्नने महिलांचे मृतदेह त्यांच्या कारमध्ये ठेवले आणि नंतर रस्त्याच्या कडेला फेकून दिले. यानंतर, २०२१-२२ मध्ये, प्रकरणाने वेग घेतल्यानंतर, इतर सात पीडितांनी पुढे येऊन आरोप केला की पियर्सने हॉलिवूड चित्रपटांमध्ये भूमिका देण्याचे आश्वासन देऊन आणि ड्रग्ज देऊन त्यांच्यावरही बलात्कार केला होता. सरकारी वकिलांनी पियर्सला “गणना करणारा सिरीयल बलात्कारी” म्हटले. असे म्हटले जात आहे की पियर्सला पॅरोलशिवायच १२८ वर्षे ते जन्मठेपेची शिक्षा होऊ शकते. ब्रँड्ट ऑसबॉर्नवरही त्याला मदत केल्याबद्दल शिक्षा होण्याची शक्यता आहे.