बीड : मस्साजोगचे सरपंच संतोष देशमुख हत्या प्रकरणातील आरोपी सुदर्शन घुले यांच्या मोबाईल मधील डाटा रिकव्हर झाला आहे अशी माहिती धनंजय देशमुख यांनी दिली आहे. तसेच विष्णू चाटे यांच्या मोबाईल मधील डेटा देखील सीआयडीने शोधला आहे. त्यामध्ये महत्त्वाची माहिती आहे. देशमुखांना मारहाण करताना आरोपींन शुटींग केल्याचंही बोललं जात आहे. आता घुले याच्या मोहबाईलचा डाटा कव्हर केल्यामुळे ते व्हिडीओ मिळतात का हे पाहणं महत्त्वाचं ठरणार आहे.
- Advertisement -
तपासात काही गोपनीयता पाळायच्या आहेत म्हणून ती माहिती दिली जात नाही. मात्र तपास समाधानकारक सुरू आहे असं धनंजय देशमुख यांनी यांनी सांगितलं. तसेच मुख्यमंत्री देवेंद्र फडणवीस यांनी देशमुख कुटुंबाला न्याय मिळवून देण्यासाठी प्रयत्न करावा अशी मागणी ही धनंजय यांनी केली. आरोपींची स्कॉर्पिओ गाडी ताब्यात घेण्यात आली होती त्यामध्ये मोबाईल सापडले होते.
- Advertisement -
संतोष अण्णा देशमुख यांना न्याय देताना ज्या गोष्टी अडसर ठरत असतील त्यावर मुख्यमंत्र्यांनी ठोस भूमिका घ्यावी ही विनंती अशी प्रतिक्रिया धनंजय देशमुखांनी मंत्री धनंजय मुंडेंच्या राजीनाम्याच्या प्रश्नावर दिलेली आहे. धनंजय देशमुख यांनी केज येथील शासकीय विश्रामगृहावर CID चे अधिकारी अनिल गुजर यांची घेतली भेट. तपासाच्या अनुषंगाने चर्चा झाली, अशी माहिती धनंजय देशमुख यांनी दिली.
- Advertisement -
संतोष देशमुख यांची केजमध्ये ९ डिसेंबरला अपहरण करून हत्या झाली होती. अतिशय क्रूरपणे संतोष देशमुखांना मारण्यात आलं. या हत्येविरोधात संपूर्ण महाराष्ट्राने आवाज उठवला. खंडणी प्रकरणातून ही हत्या झाली होती. अवादा कंपनीकडून सुदर्शन घुले यांनी खंडणी मागितली होती. त्यावेळी झालेल्या वादामधूनच देशमुखांची हत्या करण्यात आली. या प्रकरणाचे धागेदोरे मंत्री धनंजय मुंडे यांच्याशी जुळले गेले आहेत. मुंडेंचे निकटवर्तीय असलेल्या वाल्मिक कराडने ही हत्या करायला लावली असल्याचा आरोप त्याच्यावर केला गेला आहे. या प्रकरणातील आरोपींवर मकोकोअंकर्गत कारवाई करण्यात आली आहे.
