ज्येष्ठ बॉलीवूड अभिनेते आणि राजकारणी मिथुन चक्रवर्ती यांची प्रकृती खालावली आहे. ज्यामुळे त्यांना रुग्णालयात दाखल करण्यात आलं आहे. 10 फेब्रुवारी रोजी कोलकाता येथील रुग्णालयात मिथुन चक्रवर्ती यांना दाखल करण्यात आले आहे. छातीत दुखू लागलं आणि अस्वस्थ वाटू लागल्याने त्यांना कोलकात्यातील एका खासगी रुग्णालयात दाखल करण्यात आले आहे. डॉक्टरांनी त्यांच्यावर तातडीने उपचार सुरू केले आहेत. त्यांच्या प्रकृतीबाबत अद्याप कोणतीही अपडेट देण्यात आलेली नाहीत. दुसरीकडे ही बातमी पसरताच मिथुन चक्रवर्ती यांच्या चाहत्यांमध्ये एकच खळबळ उडाली आहे. मिथुनदा बरे व्हावेत म्हणून त्यांचे चाहते प्रार्थनाही करत आहेत.
- Advertisement -
मिथुन चक्रवर्ती यांना रुग्णालयात दाखल करण्यात आल्याची माहिती समोर येताच चाहत्यांनी चिंता व्यक्त केली आहे. मिथुन चक्रवर्ती यांचा रुग्णालयातील पहिला फोटो देखील समोर आला आहे. सध्या सर्वत्र फक्त आणि फक्त मिथुन चक्रवर्ती यांच्या प्रकृती चर्चा सुरु आहे. पण मिथुन चक्रवर्ती यांच्या कुटुंबियांकडून कोणतीही माहिती समोर आलेली नाही.
- Advertisement -
मिथुन चक्रवर्ती यांच्या प्रकृतीबद्दल अनेक चर्चा सुरु आहेत. पण रुग्णालयाकडून देखील कोणतीही अधिकृत माहिती समोर आलेली नाही. या बातमीनंतर, मिथुनदा यांचे चाहते चिंतेत आहेत आणि त्याच्या प्रकृतीशी संबंधित माहितीची वाट पाहत आहेत आणि ते लवकर बरे होण्यासाठी प्रार्थना करत आहेत.
