नाशिक: जिल्ह्यातील सिन्नर तालुक्यात एक धक्कादायक प्रकार उघडकीस आला आहे. येथे एका भोंदू बाबाने मोलकरीण म्हणून घरी येणाऱ्या महिलेचे मॉर्फिंग करत त्याचा वापर करून अश्लील व्हिडिओ बनवून ते सोशल मीडियावर व्हायरल केले. या स्वयंघोषित महाराजाला सिन्नर पोलिसांनी बेड्या ठोकल्या आहेत. भोंदू बाबाच्या या प्रकारामुळे सिन्नरमध्ये एकच खळबळ उडाली आहे.
- Advertisement -
संगमनेर येथील रहिवाशी असलेल्या राहुल घुले हा सिन्नरमधील नायगाव रोड भागातील एका शिक्षकाच्या घरात भाडेकरारावर वास्तव्यास होता. तेथून तो बुवाबाजीच्या नावाखाली लोकांची आर्थिक लूट करत होता. त्याच्याकडे उद्योग भवन परिसरातील ३३ वर्षीय महिला मोलकरीण म्हणून कामाला येत होती. या महिलेचा चेहरा मार्फिंग करत राहुल घुले याने तिचे अश्लील व्हिडिओ बनवले. महिलेच्या नावाने इन्स्टाग्राम आणि फेसबुकवर फेक अकाउंट उघडून व्हिडिओ त्यावर अपलोड केले. याशिवाय तिच्या नातलगांनाही पाठवले. या प्रकरणानंतर ही बाब महिलेच्या निदर्शनास आली.
- Advertisement -
- Advertisement -
दरम्यान, भोंदूबाबा विरोधात महिलेने दिलेल्या तक्रारीवरून २६ ऑक्टोबरला सिन्नर पोलिस ठाण्यात माहिती तंत्रज्ञान अधिनियम कायद्यान्वये गुन्हा दाखल करण्यात आला होता. तरुणाने मोलकरीण म्हणून येत असलेल्या महिलेला भूलथापा देऊन तिचा अश्लील व्हिडिओ तयार केला होता. त्यानंतर सदर व्हिडिओ संबंधित महिलेच्या पतीच्या व्हॉटसअॅपला टाकला. त्याचबरोबर संबंधित महिलेच्या नातेवाईकांना देखील पाठविण्यात आला होता. यानंतर पीडित महिलेने सिन्नर पोलिस ठाणे गाठत याप्रकरणी गुन्हा दाखल करण्यात आला होता. गुन्हा दाखल करण्यापूर्वीच भोंदूबाबा सिन्नरमधून गायब झाला होता. पोलिसांनी नागपूर, मुंबई, पुणे अशा वेगवेगळ्या ठिकाणी लोकेशन ट्रॅक करत या बाबाचा माग काढला.
मात्र, तो वारंवार लोकेशन बदलत असल्याने पोलिसांच्या हाती लागत नव्हता. रविवारी तो संगमनेरला आल्याची माहिती पोलिसांना मिळाली. पोलिसांच्या पथकाने सापळा रचत त्याला शिताफीने ताब्यात घेतले.