अयोध्या: २२ जानेवारीला अयोध्येतील श्री राम मंदिरात अभिषेक सोहळा होणार आहे. याबाबत कार्यालयांना सुट्टी जाहीर करण्यात आली आहे. त्याचबरोबर मांस आणि दारूची दुकानंही बंद राहतील. सरकारी आदेशानुसार सोमवारी म्हणजेच २२ जानेवारीला कसिनो उघडणार नाहीत. सरकारी कर्मचाऱ्यांच्या भावना लक्षात घेता सर्व केंद्रीय कार्यालयांना सोमवारी दुपारी अडीच वाजेपर्यंत सुट्टी जाहीर केली आहे. याशिवाय अनेक राज्यांनी अर्ध्या दिवसाची सुट्टीही जाहीर केली आहे.
- Advertisement -
दुसरीकडे, दिल्लीच्या एम्सने आदेश जारी केला आहे की, २२ जानेवारी रोजी दुपारी अडीच वाजेपर्यंत ओपीडी सुविधा उपलब्ध होणार नाही. या कालावधीत तुम्ही चाचणी आणि इतर सुविधांपासून वंचित राहाल. मात्र, सर्व प्रकारच्या आपत्कालीन सेवा सुरू राहतील. सर्व नियोजित शस्त्रक्रिया (ज्या नंतर केल्या जाऊ शकतात) पुन्हा शेड्यूल केल्या जातील, परंतु जर एखाद्या व्यक्तीला अपघात झाला आणि आपत्कालीन परिस्थितीत रुग्णालयात नेले गेले तर त्याच्यावर उपचार केले जातील. सामान्य ओपीडी संध्याकाळी सुरू होईल, असंही एम्सने सांगितलं.
- Advertisement -
त्याचवेळी डॉ. राम मनोहर लोहिया यांच्यासह इतर रुग्णालयांमध्ये दुपारी २.३० नंतर ओपीडी सुविधा सुरू होईल. या काळात आपत्कालीन सेवा पूर्वीप्रमाणे सुरू राहतील. डॉ. राम मनोहर लोहिया हॉस्पिटलने आदेश जारी करून सांगितले की, ओपीडी सुविधेसाठी दुपारी अडीचनंतर, ओपीडी नोंदणी सुविधा दुपारी दीड वाजल्यापासून सुरू होईल. याशिवाय, सफदरजंग आणि लेडी हार्डिंज केंद्रीय सरकारी रुग्णालयांमध्येही अर्धा दिवस सुट्टी असेल.
- Advertisement -
मध्यप्रदेशात मांस विक्रीची दुकानं बंद
प्राण प्रतिष्ठा कार्यक्रमाच्या पार्श्वभूमीवर, २२ जानेवारी रोजी मध्य प्रदेशातील शहरी भागात सर्व कत्तलखाने आणि मांस विक्रीची दुकानं बंद राहतील. या संदर्भात नगरविकास आणि गृहनिर्माण विभागाने महापालिका आयुक्त, मुख्य पालिका अधिकारी, महानगरपालिका आणि नगरपरिषदांना सूचना दिल्या आहेत. मध्य प्रदेशातील सर्व सरकारी कार्यालयांना अर्धा दिवस सुट्टी असेल. सर्व शासकीय कार्यालये दुपारी अडीच वाजेपर्यंत बंद राहणार आहेत.
गोव्यात सर्व कसिनो बंद
राम मंदिर उद्घाटनाच्या शुभ मुहूर्तावर, गोव्यातील सर्व कसिनोने स्वेच्छेने २२ जानेवारी रोजी सकाळी ८ ते दुपारी ४ या वेळेत कसिनो बंद ठेवण्याचा निर्णय घेतला आहे.
यूपी डीजीपीने मार्गदर्शक तत्त्वे जारी केली
या राज्यांमध्ये शाळा-कॉलेजला सुट्टी
उत्तर प्रदेशात सर्व शाळा-कॉलेजला सुट्टी असेल, तसेच मांस विक्री करणारी दुकानंही बंद राहतील. गोव्यात सर्व शाळा बंद असतील. कार्यालयांनाही सुट्टी जाहीर करण्यात आली आहे. तर हरियाणात २२ जानेवारीला शाळांना सुट्टी असेल. ओदिशातही सरकारने हाफ डेची घोषणा केली आहे. गुजरातमध्येही २२ जानेवारीला अर्ध्या दिवसाची सुट्टी जाहीर करण्यात आली आहे.