मुख्यमंत्री एकनाथ शिंदे यांना जाहीर सभेतून शिवीगाळ करणे मुंबईच्या माजी महापौरांना चांगलेच महागात पडले आहे. शिवसेना (उद्धव बाळासाहेब ठाकरे) गटातील माजी महापौर दत्ता दळवी यांच्यावर भांडुप पोलिस ठाण्यात गुन्हा दाखल करण्यात आला आहे.
- Advertisement -
शिवसेना उबाठा गटातर्फे रविवारी भांडुपमध्ये ईशान्य मुंबईत राहणाऱ्या कोकणवासियांचा जाहीर मेळावा आयोजित करण्यात आला होता. मुख्यमंत्री एकनाथ शिंदे यांच्या नावापुढे राजस्थानातील प्रचारावेळी भाजपच्या बॅनरवर उल्लेख करण्यात आलेल्या ‘हिंदू ह्रदय सम्राट’ शब्दावरुन माजी महापौर दत्ता दळवी यांनी या मेळाव्यात शिवीगाळ केली होती.
- Advertisement -
भा.दं.वि कलम १५३ (अ), १५३ (ब), १५३ (अ) (१) सी, २९४, ५०४, ५०५ (१)(क) अंतर्गत गुन्हा दाखल करण्यात आला आहे. मुख्यमंत्र्यांवर आक्षेपार्ह वक्तव्य केल्याप्रकरणी हा दुसरा गुन्हा दाखल झाला असून या प्रकरणी भांडुप पोलिस अधिक तपास करत आहेत.