संभाजी नगर : संभाजी नगर या ऐतिहासिक शहरात नामांकित ९वा अजिंठा-वेरुळ आंतरराष्ट्रीय चित्रपट महोत्सव नुकताच पार पडला. आशुतोष गोवारिकर यांच्या उपस्थितीत महोत्सवाचा समारोप झाला. ‘वल्ली’ या मराठी सिनेमाची ‘Indian Competition’ मध्ये अधिकृतरित्या निवड झाली होती. या महोत्सवामध्ये ‘वल्ली’ सिनेमाला तीन पुरस्कारांनी सन्मानित केलं गेलं आहे. दोन्ही प्रमुख कलाकारांना देवा गाडेकर आणि वर्षा सुनील अजिथ यांना “सर्वोत्कृष्ट अभिनय”साठी सन्मानित करण्यात आलं.
- Advertisement -
त्याशिवाय पुण्यात १८ ते २५ जानेवारी दरम्यान होणाऱ्या २२व्या पुणे आंतरराष्ट्रीय चित्रपट महोत्सवात (PIFF २०२४) ‘वल्ली’ चित्रपट, ‘संत तुकाराम’ सर्वोत्कृष्ट आंतरराष्ट्रीय मराठी चित्रपट स्पर्धा या अंतर्गत निवडला गेला आहे.
